United States copyright law, s Uurheberrächtsgsetz vo de Vereinigte Schtaate, leit Beschtimmige fescht was es für gsetzlichi Rächt über schöpferischi und künschtlerischi Wärk git. Im Vergliich zu de kontinentaleuropäische Uurhebergsetz si im amerikanische Rächt die wirtschaftliche Aschbäkt wichtiger als die ideelle. Es isch es federals Gsetz und basiert uf dr amerikanische Verfassig, Artikel I, Abschnitt 8, Paragraph 8:
(Dr Kongress het d Macht [.. .] dr Fortschritt vo Wüsseschaft und nützlicher Kunscht z fördere, und git de Autore und Erfinder für ä begränzti Ziit en exklusivs Rächt zu was si gschribe, reschbektiv entdeckt häi.)
S Uurheberrächt wird vom Büro für Uurheberrächt, em United States Copyright Office, verwaltet.